Von er á nýjum diski frá Jóni Kr. Ólafssyni um miðjan næsta mánuð. 

Diskurinn heitir Haustlauf og inniheldur 12 lög. Jón Kr. gefur sjálfur diskinn út. Upptökum er lokið og er diskurinn nú í lokavinnslu erlendis. 

Landsþekktir tónlistarmenn koma að upptökunum, þar má nefna Jóel Pálsson, Jón Pál Bjarnason, Birgi Baldursson og Jóhann Hjörleifsson. Þórir Baldursson stjórnaði upptökum, útsetti og leikur einnig undir. Gunnar Smári Helgason sá um upptökur.

Þetta er annar diskur Jóns. Fyrri diskinn gaf Jón Kr. út árið 1997 og heitir hann Kvöldkyrrð. Þann disk er hægt að fá hjá Jóni Kr. og eins verður með nýja diskinn Haustlauf. Allar nánari upplýsingar hjá Jóni Kr. í síma 456 2186 og 847 2542.

Jón Kr. Ólafsson rekur tónlistarsafnið Melódíur minninganna á Bíldudal.

Til baka