Sjaldgæf sjón blasti við Bílddælingum á laugardagsmorgun er þeir fóru á stjá.

Kvöldið áður kom inn á voginn skemmtisnekkjan Turmoil, glæsilegt skip frá Suður-Afríku, líklega um 500 tonn að stærð. 

Um kl. 10 lenti síðan sjóflugvél á sjónum og renndi sér að skipinu. Er þar um nokkuð merkan viðburð að ræða því sjóflugvél hefur líklega ekki lent á Bíldudalsvogi síðan um 1960 en þá lögðust samgöngum með þeim hætti af. 

Farið var út að skipinu og að sögn skipverja er skipið á leið norður með landi og síðan til Grænlands. Farþegar og áhöfn ætluðu að njóta veðurblíðunnar um sinn á Bíldudalsvogi sem skartaði sínu fegursta.

Frétt og myndir Jón Þórðarsson ( jth@snerpa.is )

Til baka