Undanfari sumarhátíðarinnar var golfmótið Hamagangur á Hóli á fimmtudeginum en hátíðin sjálf hófst daginn eftir með gönguferð út á Otradalsfjall.

Lagt upp í skrímslaferð
Mynd Magnús B. Óskarsson

Hinar fjölbreyttu sögu- og listsýningar sem í boði voru voru því næst opnaðar gestum. 

• Thorsteinsson aldamótasýning frá Minjasafninu á Hnjóti í Barnaskóla
• Ljósmyndasýning Valdimars B. Ottóssonar í Barnaskóla
• Málverkasýning Óskars Magnússonar í Barnaskóla
• Sýning á teikningum eftir Bjarna Valdimarsson í París
• Gömlu meistararnir og nokkrir yngri í Gamla skóla

Síðar um daginn var farið í fyrstu skrímslaferðina um Arnarfjörð og var vel látið af þeirri skemmtun. 

Hápunktur föstudagsins má segja að hafi verið setningarathöfn hátíðarinnar á Tungunni. 

Um kvöldið flutti Leikfélagið Baldur söngskemmtunina Írafar fyrir fullu húsi og var þá ákveðið að halda aðra sýningu á sunnudaginn. 

Föstudeginum lauk svo í hátíðartjaldi fyrir utan félagsheimilið þar sem vísnavinir skemmtu við góðar undirtektir.

Frétt Helgi Hjálmtýsson ( postholf@yahoo.com )

Til baka