Sjómannadagurinn var með hefðbundnu sniði á Bíldudal í byrjun júní líkt og venja hefur verið til.

Kappróður kvenna á Bíldudalsvogi

Í boði var fjölbreytt skemmtidagskrá sem stóð yfir alla helgina og tókst skemmtunin vel í alla staði. 

Í Fossvogsgarði í Reykjavík fór fram athöfn á vegum sjómannadagsráðs við Minningaröldurnar sem ráðið hefur reist þar til minningar um þá sem farist hafa á sjó.

Nöfn þeirra ungu manna sem fórust með Sæfara BA 143 frá Tálknafirði aðfararnótt 10. janúar 1970 hafa verið rituð á Minningaröldurnar. 

Séra Jakob Ágúst Hjálmarsson flutti hugvekju og minntist skipverjanna, sjávarútvegsráðherra lagði blómsveig að minnisvarðanum og fulltrúar Landhelgisgæslunnar stóðu heiðursvörð.

Við Minningaröldurnar í Fossvogi í Reykjavík

Þeir sem fórust með Sæfara BA 143 10. janúar 1970 voru:

• Hreiðar Árnason skipstjóri frá Bíldudal 24 ára
• Björn Maron Jónsson stýrimaður frá Bíldudal 20 ára
• Gunnar Einarsson 1. vélstjóri frá Bíldudal 24 ára
• Erlendur Magnússon 2. vélstjóri frá Bíldudal 20 ára
• Gunnar Sævar Gunnarsson matsveinn frá Eyjahólum Mýrdal 36 ára
• Guðmundur H. Hjálmtýsson háseti frá Bíldudal 18 ára

Minningarathöfn fór fram í Bíldudalskirkju 1. febrúar 1970.

Til baka