17. júní var haldinn hátíðlegur á Bíldudal nú í ár eins og undanfarin ár. 

Heba Harðardóttir setur hátíðina

Kvenfélagið Framsókn stóð fyrir hátíðahöldunum líkt og félagið hefur gert síðustu þrjátíu árin. 

Farið var í skrúðgöngu frá blokkinni og var fjölmennt í göngunni. Veðrið lék við hátíðargesti og undu allir sér vel. Fjallkona í ár var Guðbjörg Jónsdóttir og flutti hún ljóðið Til Íslands eftir Jens Hermannsson, en þess má geta að Jens var skólastjóri á Bíldudal á árunum 1919 til 1945.

Fjallkonan - Guðbjörg Jónsdóttir - flytur ræðu

Hugvekju flutti séra Leifur Ragnar Jónsson, sóknarprestur Patreksfjarðar, Brynjólfur Gíslason bæjarstjóri Vesturbyggðar flutti hátíðarræðu. 

Síðan stigu fjölmargir á stokk að vanda og sungu og spiluðu af hjartans list. Heppnaðist dagurinn vel og allir skemmtu sér.

Frétt og mynd Jón Þórðarson - jth@snerpa.is

Til baka