Sjómannadagurinn er á næsta sunnudag þann 1. júní. 

Við upphaf óvissuferðarinnar í fyrra

Frá bætningakeppninni í fyrra

Á Bíldudal verður margt til gamans gert bæði á laugardag og sunnudag. Dansleikur verður á laugardagskvöld þar sem hljómsveitin BMX leikur fyrir dansi. Nýmæli er að sætaferðir verða frá Patreksfirði og Tálknafirði þannig að auðveldara verður að komast á og af dansleik. 

Seinnipart sunnudags verður svo farið í siglingu með Höfrungi BA 60 á einhvern góðan stað í firðinum og grillað saman. Ferðir þessar hafa verið farnar síðustu sex ár og hafa eftirtaldir staðir verið heimsóttir: Langibotn, Steinanes, Langanesviti og tekið land á Gíslaskeri, Hrafnseyri, og nú síðustu tvö ár á Krosseyri. Hvert verður farið í ár? það ræðst af veðri og vindum, en eitt er víst að góða skapið veður með í för eins og ávallt í þessum ferðum.

DAGSKRÁ
SJÓMANNADAGURINN Á BÍLDUDAL 2003

Laugardagur 31. maí

• Kl. 13.30 kappróður og björgunaræfing.
• Kl. 23.00 dansleikur í Baldurshaga, hljómsveitin BMX leikur fyrir dansi, sætaferðir frá Patreksfirði og Tálknafirði. 

Sunndagur 1. júní

• Kl. 12.30 Skemmtisigling með bátum.
• Kl. 14.00 Setning á hafnarsvæðinu.
  • Farið í leiki með yngri kynslóðinni, belgjahopp, reiptog, kara-boðhlaup og fl., svo verður koddaslagur að sjálfsögðu.
  • Keppt verður um tvo bikara; bætninga-bikar og handflökunar-bikar. Verja þeir Arnar og Sverrir titilinn frá því í fyrra?
  • Síðan verðir brugðið á leik þar sem tekist verður á í bróðerni.
  • Að lokinni skemmtun verður gengið til kirkju og lögð blóm að minnisvarða til minningar um þá er farist hafa á sjó frá Arnarfirði og séra Sveinn Valgeirsson flytur hugvekju. Jón Kr. Ólafsson og fl. syngja nokkur lög.
• Kl. 17.00 Óvissuferð, sigling með m/b Höfrungi BA 60. Eins og undanfarin ár verður heitt í kolunum einhvers staðar á skjólsælum stað, takið með ykkur eitthvað á hlóðirnar og verið hlýlega klædd, kát og hress, kannski verður gítar með í för. Börn innan 13 ára verða að vera í fylgd ábyrgðamanns.
  
  GÓÐA SKEMMTUN
  

Til baka