Vala Flosadóttir verður með krökkunum á Völumótinu á sumarhátíðinni í lok júní.

Völumót er nefnt eftir afrekskonunni Völu Flosadóttur frá Bíldudal og verður haldið í fyrsta sinn nú í sumar. Mótið er einn liður af mörgum á dagskrá hátíðarinnar og er ætlað öllum hressum krökkum sem vilja taka þátt í skemmtilegum íþróttaleik.

Undirbúningstímabilinu fyrir keppnir sumarsins fer senn að ljúka hjá Völu og hafa æfingar gengið vel. Í apríl var hún í þriggja vikna æfingabúðum á Kúbu. Að sögn hennar var það mjög reynsluríkur og gefnandi tími og jafnframt segir Vala að íþróttamenningin þar í landi sé alveg frábær.

Um þessar mundir er Vala að fínslípa stökktæknina hjá sér og ýmis smáatriði fyrir fyrstu sumarmótin sem munu hefjast nú í lok maí, en hún er farin að hlakka til að koma á sumarhátíðina og vera með krökkunum.

Sjáðu einnig: Vala Flosadóttir - afrekskona í íþróttum

Til baka