Nokkrar bílddælskar hljómsveitir verða endurvaktar á hljómsveitar-tónleikum á Bíldudals grænum... í lok júní í sumar.

FACON - Jón Kr. Ólafsson, Ástvaldur Jónsson, 
Grétar Ingimarsson og Pétur Bjarnason

Þar munu koma saman hljómsveitir frá Bíldudal sem sumar hverjar hafa ekki komið fram í áratugi. Meðal þeirra er hin fornfræga hljómsveit Facon sem starfaði nánast allan sjöunda áratuginn með miklum glæsibrag. Undir lokin sendi sveitin frá sér fjögra laga plötu þar sem var að finna hið kunna lag Ég er frjáls sem ýmsir hafa spreytt sig á.

Meðal annarra sveita sem staðfest hafa þátttöku eru:

• Tríó Aukaatriði sem lék á áttunda áratugnum og gaf út tveggja laga plötu - Senjorinn
• Sem - sem kennarar við Bíldudalsskóla stofnuðu upphaflega á áttunda áratugnum
• Kládíus sem til varð við upphaf níunda áratugsins og lék víða
• Flipp sem tók nokkrar góðar rispur undir lok þess níunda
• Græni bíllinn hans Garðars sem starfað hefur með hléum frá níunda áratugnum og mun gefa út geisladisk á hátíðinni
• Og svo loks ný hljómsveit sem ekki hefur hlotið nafn en er skipuð valinkunnum Bílddælum

Nýja sveitin

Auk þess munu harmonikkumenn stíga á stokk og taka lagið. Valinkunnir leikarar úr leikfélaginu Baldri munu sjá um kynningar á milli atriða. 

Tónleikarnir fara fram laugardagskvöldið 28. júní og verða án efa einn af hápunktum hátíðarinnar.

Til baka