Auglýsingastofa Arnfirðingsins Magnúsar B. Óskarssonar frá Bíldudal, Einn, tveir og þrír ehf. hlaut verðlaun fyrir bestu tímaritaauglýsingu ársins 2002.

Magnús rekur auglýsingastofuna Einn, tveir og þrír ásamt þeim félögum sínum Eiríki Sigurðssyni og Þorfinni Sigurgeirssyni. Þeir hafa starfað saman frá því árið 1996.

Athyglisverðustu auglýsingar ársins 2002 voru kynntar á Íslenska markaðsdeginum í Háskólabíói föstudaginn 21. febrúar síðast liðinn.

Auglýsingin heitir Hugsaðu djúpt og er framleidd fyrir Sæplast Dalvík ehf.

Þá er ekki úr vegi að geta þess að Magnús hannaði sérstakt merki fyrir Arnfirðingahátíðina Bíldudals grænar... og ríkir almenn ánægja meðal félagsmanna með merkið.

Til baka