ÍFB veitti íþróttafólki sínu bikara á sólarkaffi Bílddælinga sunnudaginn 16.febrúar. Að þessu sinni var ekki einungis veittur bikar fyrir íþróttamann ársins heldur var bætt við sex nýjum bikurum: 

• fyrir fótboltamann ársins, 
• körfuknattleiksmann ársins, 
• frjálsíþróttamann ársins, 
• bestu ástundun, 
• besta afrek og 
• mestu framfarir.

Pálmi Þór Gíslason er íþróttamaður ársins á Bíldudal
Pálmi vann til margra afreka á árinu 2002, á unglingamóti HHF vann hann 5 greinar af 7, varð í 2 sæti í kringlu og 3 sæti í spjóti, á Héraðsmóti HHF vann hann 6 greinar af 7 og varð í 2 sæti í spjóti. Hann vann kvöldmótin í sínum aldursflokki, 14 ára, og var annar stigahæstur á mótinu.

Á unglingalandsmótinu í Stykkishólmi var hann í 2 sæti í kúlu og munaði þar aðeins 7 sm að hann hafi bætt 10 ára gamalt héraðsmet.

Hann bætti sig töluvert í 2 greinum, í kúlu bætti hann sig um 1.66 m úr 10.92 í 12.58 og í kringlunni bætti hann sig um ekki meira né minna en 13.1 m úr 21.87 í 34.97.

Pálmi er fjölhæfur íþróttamaður og við skulum vona að hann haldi áfram á sömu braut.

Þessir hlutu bikarana:

• Besta ástundun – Lovísa Rut Jónsdóttir, var dugleg að mæta bæði í fótboltann og frjálsarnar. Lovísa verður 8 á árinu. 
• Mestu framfarir – Andrea Viðarsdóttir, hún bætti sig um 20 sm í hástökkinu, fór úr 0.80 m í 1.00 m. Framtíðar hástökkvari þar á ferð. Andrea verður 12 á árinu.
• Besta afrek – Pálmi Þór Gíslason, hann setti héraðsmet í kringlunni og kastaði þar 34.97 m. Pálmi verður 15 á árinu.
• Besti fótboltamaður – Matthías Leó Matthíasson, verður 16 á árinu.
• Besti körfuknattleiksmaður – Birkir Þór Karlsson, verður 16 á árinu.
• Besti frjálsíþróttamaður – Pálmi Þór Gíslason.

Frétt Tíðis - patreksfjordur.is
Mynd Tíðis / jþ

Til baka