Vísnavinafélagið Skammdegisörninn hélt sitt árlega vísnakvöld milli jóla og nýárs.

Aðsóknin var mjög góð því um 150 manns munu hafa sótt skemmtunina.

Dagskráin var þéttskipuð og munu um 15-20 manns hafa stigið á stokk. Þar lét hver ljós sitt skína eftir getu og hæfileikum sjálfum sér og öðrum til ánægju. 

Skemmtunin tókst mjög vel að öllu leyti. Meðal frumlegra atriða má nefna hljómsveit sem lék á sög, lóðarbala, bjórflöskur og gítar.

Var það mál manna að einstaklega vel hefði tekist til í ár.

Frétt og myndir Ottó Valdimarsson (mos@mmedia.is)

Til baka