Hafinn er undirbúningur fyrir Sólarkaffi Arnfirðingafélagsins 2003 sem verður haldið þann 9. febrúar næstkomandi með örlítið breyttu sniði frá því sem verið hefur.

Hluti stjórnar og hátíðanefndar

Sent verður bréf til allra skráðra félagsmanna með nánari upplýsingum, en einnig verður frekari upplýsingar að fá hér á vef félagsins síðar í mánuðinum.

Þá er undirbúningur fyrir Arnfirðingahátíðina Bíldudals grænar... kominn vel á veg. Hátíðin verður kynnt sérstaklega á sólarkaffinu. Einnig verður merki hátíðarinnar kynnt. 

Hátíðarnefnd vinnur að áætlanagerð fyrir sumarhátíðina

Hátíðarnefndin hefur samið verkefnis- og skipulagsáætlun fyrir hátíðina og er vinna þegar hafin í samræmi við hana. Einn nefndarmanna brá sér á tveggja daga verkefnastjórnunarnámskeið hjá Endurmenntunarstofnun fyrir áramótin og svo skemmtilega vildi til að kennari og 19 nemendur völdu verkefnið sumarhátíð á Bíldudal sem æfingaverkefni fyrir hópinn. Öll gögn sem til féllu á námskeiðinu fékk nefndin að eiga og komu þau að góðu gangi við samningu áætlunarinnar. 

19 nemendur og kennari á verkefnastjórnunarnámskeiðinu

Arnfirðingafélagið hvetur alla Arnfirðinga og velunnara félagsins nær og fjær til að mæta á sólarkaffið.

Sjá einnig:

Heiti sumarhátíðarinnar valið [12.12.2002]
Arnfirðingahátíðin Bíldudals grænar...

Stórhátíð á Bíldudal [13.11.2002]
Næsta sumar ætlar Arnfirðingafélagið að standa fyrir stórhátíð á Bíldudal.

Til baka